atur panuwun wonten ing acara lelayu

Atur Panuwun Saking Kulawarga

Assalamualaikum Wr. Wb

Innalillahi wa inna Iillaihi Roji’un

Sadaya punika kagunganing Allah, mila badhe wangsul ugi dhateng Allah SWT.

Nuwun ! para pinisepuh, sesepuh, para tamu takjiyah ingkang kinurmatan, sumangga rumiyin kita tansah ngunjukaken puji lan syukur wonten ngarsa gusti ingkang maha kuaos , awit saking paringipun pinten-pinten karahmatan, hidayah, saha inayah saenggo kita saged ndherek takjiyah awit sampun murut kasidan jati almarhum bapak Bambang Sastroaji.

Para takjiah takjiyin ingkang kula kurmati, kula ngaturaken sugeng rawuh ugi  matur nuwun dene para takjiah takjiyin sampun kapareng rawuh wonten griya dukito punika. Dhumateng para sanak kadang tangga tepalih , kula ngaturaken agenging panuwun awit saking kaparengipun paring pambiyantu punapa sadaya lumampah gancar lan prayogi.

Bapak Bambang sastroaji sampun katimbalan marak sowan dhateng gusti maha kuaos. Mbok menawi wonten ing gesangipun anggadahi kalepatan dhumateng panjenengan sedaya, kulawarga anyuwunaken pangapunten.

Para takjiah-takjiyin ingkang dahat kinurmatan, boten langkung nyuwun tambahing pandonga , mugi-mugi alusipun bapak Bambang Sastroaji katampiya kanthi sukarena dening gusti ingkang maha kuaos , kaparingana pangapunten sedaya dosanipun, kaparingana ganjaran sadaya ngamal saenipun, kapapana wonten ing panggenan ingkang prayogi. Dene kulawarga ingkang tinilar mugi kaparingana manah eklas ugi sabar tawakal.

Samanten para takjiah-takjiyin, mbok bilih wonten atur kula ingkang boten prayogi, kula nyuwun panagpunten.

Wassalamualaikum Wr. Wb